اسلام آباد:(دنیا نیوز)سینیٹر فیصل جاوید خان نے کہا ہے کہ غریب ممالک سے امیر ممالک تک منی لانڈرنگ دنیا میں عدم مساوات کی بڑی وجہ ہے جبکہ وزیراعظم عمران خان نے یہ مسئلہ اقوام متحدہ سمیت مختلف عالمی فورمز پر مؤثر طریقے سے اٹھایا۔
سماجی رابطے کی ویب سائٹ ٹوئٹر پر پیغام جاری کرتے ہوئے سینیٹر فیصل جاوید خان نے کہا کہ میڈیا رپورٹس کے مطابق پانامہ پیپرز کے بعدآئی سی آئی جے آج پنڈورا پیپرز جاری کرنے جا رہا ہے۔غریب ممالک سے امیر ممالک تک منی لانڈرنگ دنیا میں عدم مساوات کی بڑی وجہ ہے۔
— Faisal Javed Khan (@FaisalJavedKhan) October 3, 2021
فیصل جاوید کا کہناتھا کہ وزیراعظم عمران خان نے یہ مسئلہ اقوام متحدہ سمیت مختلف عالمی فورمز پر مؤثر طریقے سے اٹھایا، سالانہ ایک ٹریلین ڈالر ترقی پذیر ممالک سے امیر ممالک میں بھیجا جاتا ہے۔
انہوں نے مزید کہا کہ عمران خان ناانصافی ، بدعنوانی اور منی لانڈرنگ کے خلاف سیاست میں آئے، کرپشن اور منی لانڈرنگ کو روک کر ہی غربت کے خاتمہ میں مدد مل سکے گی۔
