مدینہ منورہ پہنچنے پر مدینہ کے نائب گورنر شہزادہ سعود بن خالد الفیصل نے وزیر اعظم اور ان کے وفد کا استقبال کیا۔ وزیراعظم جب جہاز سے باہر آئے تو وہ ننگے پاؤں تھے۔ وزیراعظم نے خاتون اول اور وفد کے ہمراہ روضہ رسولﷺ پر حاضری دی اور نوافل ادا کیے، روضہ رسولﷺ پر حاضری کے بعد وزیراعظم وفد کے ہمراہ جدہ پہنچے جہاں مکہ کے نائب گورنر شہزادہ بدر بن سلطان السعود نے وزیراعظم کا استقبال کیا۔

وزیر اعظم جدہ سے مکہ مکرمہ پہنچے جہاں انہوں نے عمرہ کی سعادت حاصل کی، وزیراعظم سعودی ولی وعہد شہزادہ محمد بن سلمان کی دعوت پر سعودی عرب کے تین روزہ دورے پرہیں، شاہ محمود قریشی، حماد اظہر اور ملک امین اسلم بھی وزیراعظم کےہمراہ ہیں۔