اسلام آباد: (دنیا نیوز) وزیراعظم عمران خان نے کہا ہے کہ عالمی سطح پر شدید مہنگائی کے باوجود پاکستان دیگر ممالک کی نسبت بہتر کارکردگی کا مظاہرہ کر رہا ہے۔
وزیراعظم نے ٹویٹر پیغام میں کہا کہ کورونا لاک ڈاؤن نے بیشترممالک کو بری طرح متاثرکیا، بین الاقوامی سطح پر اشیاء کی قیمتوں میں غیرمعمولی اضافہ ہوا، پاکستان دیگرممالک کی نسبت بہتر کارکردگی کا مظاہرہ کر رہا ہے۔
کوروناء کی بندشوں کےباعث جہاں عالمی سطح پراشیائے ضروریہ کی قیمتوں میں غیرمعمولی اضافےنے دنیاکےبیشتر ممالک کو اپنی لپیٹ میں لیکر بری طرح متاثرکیا وہاں پاکستان ماشاءاللہ (اشیائےضروریہ کی قیمتوں میں اضافے کے) اس چیلنج سےنسبتاً بہتر طور پر نبرد آزما ہوا۔https://t.co/KCKt8RipNs
— Imran Khan (@ImranKhanPTI) November 7, 2021
واضح رہے کہ تحریک انصاف کے دور میں مہنگائی میں شدید اضافے کو اپوزیشن جماعتیں سخت تنقید کا نشانہ بنائے ہوئے ہیں۔ اپوزیشن اتحاد پی ڈی ایم نے جہاں لانگ مارچ کا اعلان کر رکھا ہے وہاں پیپلز پارٹی جیسی دیگر جماعتیں بھی حکومت کو ٹف ٹائم دینے کی بھرپور تیاری کرتی نظر آتی ہیں۔ ایسے میں حکومت کی جانب سے معیشت کی حالیہ صورت حال پر مختلف پلیٹ فارمز پر بار بار صفائی پیش کی جا رہی ہے تاہم عوام کسی طور پی ٹی آئی سے مطمئن ہوتی نظر نہیں آتی۔
