گوادر: (دنیا نیوز) گوادر کو حق دو تحریک کے قائد مولانا ہدایت الرحمٰن نے مطالبات منظور کیے جانے کے بعد گوادر میں چند ہفتوں سے جاری دھرنے کو ختم کرنے کا اعلان کر دیا۔
گوادرمیں کئی ہفتوں سے جاری گوادرکو حق دو تحریک کاجاری دھرنا حکومت کے ساتھ معاہدہ طے پانے کے بعد تحریک کے سربراہ مولانا ہدایت الرحمن نے دھرناختم کرنے کااعلان کردیا، 11نکاتی معاہدے پر وزیراعلی بلوچستان نے دستخط کئے ۔
یاد رہے کہ گزشتہ منگل کو ہونے والے وفاقی کابینہ کے اجلاس میں وزیراعظم نے’حق دو گوادر کو‘ تحریک کے طویل احتجاجی دھرنے کا نوٹس لیتے ہوئے 2 وفاقی وزراء اسد عمر اور زبیدہ جلال کو گوادر جانے کی ہدایت کی تھی۔
وزیراعظم عمران خان نے دونوں وزراء کو ہدایت کی تھی کہ گوادر کے عوام کے مسائل کے جلد حل کی سفارشات مرتب کریں۔
واضح رہے کہ گوادر تحریک کے شرکاء سمندر میں غیرقانونی ٹرالنگ روکنے، مکران میں چیک پوسٹوں کے خاتمے اور گوادر کو پینے کے پانی کی فراہمی سمیت دیگر مطالبات کے حق میں احتجاج کررہے ہیں۔
غیر قانونی فشنگ پر مکمل پابندی عائد کر دی: وزیراعلیٰ بلوچستان
وزیراعلی بلوچستان میر عبدالقدوس بزنجو نے دھرنے کے شرکا سے خطاب کرتے ہوئے کہا کہ غیر قانونی فشنگ پر مکمل پابندی عائد کردی گئی ہے، غیر قانونی فشنگ کی روک تھام کے لئے محکمہ فشزیز اور کمشنر مکران کو ہدایت بھی جاری کر دی گئی ہے، گوادر او یہاں کے لوگوں کو کو ترقی دینابنیادی سہولتوں کی فراہمی ہماری ترجیح میں شامل ہیں، گروک روڈ پر کام جلد شروع کر دیا جائے گا، پسنی تربت روڈ پر جلد ٹینڈر طلب کئے جا رہے ہیں، صوبائی حکومت نے مطالبات تسلیم کر لئے ہیں، ہم چاہتے تھے کہ گوادر کے عوام کو انکا حق ملے او اسکے لئے تمام وسائل بروئےکار لائیں گے۔
مظاہرین کے مطالبات کا تفصیلی جائزہ لیا: اسد عمر
گوادر میں میڈیا سے بات چیت کرتے ہوئے وفاقی وزیر برائے منصوبہ بندی اسد عمر نے کہا کہ وزیراعظم کی ہدایت پر یہاں آئے ہیں تاکہ عوام کی فلاح کے لئے وفاقی منصوبوں کو دیکھاجاسکے ،وزیراعظم کی واضح ہدایت ہے گوادرکے عوام کو یہاں بہتری نظر آئےاگر ایسانہیں ہواتو قومی مقصد حاصل نہیں ہوگاانہوں نے کہاکہ وزیراعلی بلوچستان بلوچستان اورچیف سیکرٹری سے تفصیلی ملاقات ہوئی اورتمام امورکاجائزہ لیاگیا ۔
ان کا کہنا تھا کہ گوادر میں 2 ڈیم سبتزئی اور شادی کوڈ ڈیم مکمل ہو چکے ہیں ان ڈیمز سے آنیوالے پانی کی شہر میں ترسیل کا نظام بہتر ہوگا۔گوادر شہر میں پانی کی ترسیل کے حوالے پلاننگ کررہے ہیں مئی جون تک پانی کا مسئلے واضح بہتری آجائیگی، اور بجلی کے مسئلے کو حل کرنے کے لئے کیسکو سے معاہدہ ہوچکاہے۔
وفاقی وزیر کا کہنا تھا کہ 2023تک 100 میگاواٹ نیشنل گریڈ سے بجلی فراہم کردی جائے گی اس وقت ملک میں وافر مقدار میں بجلی موجود ہے ،نوجوان کے لئے ووکیشنل سینتر مکمل ہوچکاہے ،چین کی مدد سے 3200 گھروں کے لئے سولر سسٹم بلوچستان پہنچ جائیں گے جن کافائدہ گوادرکے عوام کو پہنچے گا۔
