لاہور:(دنیا نیوز) پاکستان مسلم لیگ (ن) کے رہنما سینیٹر مصدق ملک نے کہا ہے کہ یوسف رضا گیلانی ایوان میں نہیں تھے، اپوزیشن کو شکست قائد حزب اختلاف کا ووٹ کم ہونے کے باعث ہوئی اور اس ووٹ کے کم ہونے سے حکومت نے پاکستان کو آئی ایم ایف کا غلام بنا دیا ۔
سینیٹ سے اسٹیٹ بینک ترمیمی بل منظور ہونے پر ردعمل دیتے ہوئے سماجی رابطے کی ویب سائٹ ٹوئٹر پر پیغام جاری کرتے ہوئے سینیٹر مصدق ملک نے لکھا کہ پاکستان تحریک انصاف کی ریاستِ مدینہ نے اپنے ہاتھوں سے غلامی کا طوق عوام کے گلے میں پہنایا ہے ، آج کے بعد نئی ایسٹ انڈیا کمپنی کے لارڈ گورنر اسٹیٹ بینک کو نہ کوئی حکومت نکال سکتی ہے اور نہ جوابدہ کر سکتی ہے۔
کمال ہے کہ کیا ہے؟
— Dr. Musadik Malik (@DrMusadikMalik) January 28, 2022
سٹیٹ بینک کا بِل پیش ہوا۔ قائدِ حزبِ اختلاف، یوسف رضا گیلانی غائب۔ ایک ووٹ، یعنی گیلانی صاحب کا ووٹ ، کم ہونے سے پاکستان کو IMF کا غلام بنانے کا بل منظور۔
اور انکو قائدِ اختلاف بنانے والے اور اپوزیشن بنچ پہ بیٹھنے والے سینیٹرز کی بل لی والہانا حمایت
رہنما پاکستان مسلم لیگ (ن) نے مزید لکھا کہ بل کے منظور ہونے سے نہ کوئی حکومت اسٹیٹ بینک سے پیسے لے سکتی ہے، نہ بتا سکتی ہے کہ ڈالر کی قیمت کیا ہو گی، واہ ریاست مدینہ!! ۔
سینیٹر مصدق ملک سوال کیا کہ کمال ہے کہ کیا ہے؟ اسٹیٹ بینک کا بِل پیش ہوا، قائدِ حزبِ اختلاف یوسف رضا گیلانی غائب تھے، ایک ووٹ، یعنی گیلانی صاحب کا ووٹ کم ہونے سے پاکستان کو آئی ایم ایف کا غلام بنانے کا بل منظورہو گیا ۔
PTI کی ریاستِ مدینہ نے اپنے ہاتھوں سے غلامی کا طوق عوام کے گلے میں پہنا دیا
— Dr. Musadik Malik (@DrMusadikMalik) January 28, 2022
آج کے بعد، نئی ایسٹ انڈیا کمپنی کے لارڈ گورنر سٹیٹ بینک کو نہ کوئی حکومت نکال سکتی ہے، نہ جوابدہ کر سکتی ہے، نہ سٹیٹ بینک سے پیسے لے سکتی ہے، نہ بتا سکتی ہے کہ ڈالر کی قیمت کیا ہو گی
واہ ریاستتِ مدینہ!!
ان کا کہنا تھا کہ قائدِ حزب اختلاف بنانے والے اور اپوزیشن بنچ پہ بیٹھنے والے سینیٹرز نے بل کی والہانا حمایت کی۔
