اسلام آباد: (دنیا نیوز) وزیراعظم شہباز شریف نے متحدہ عرب امارات کے وزیر شیخ نہیان بن مبارک آل نہیان کی طرف سے مالی امداد کے اعلان کا خیرمقدم کرتے ہوئے کہا ہے کہ یہ پاکستان کے عوام سے ان کی بے لوث محبت اور انسانیت کے لئے درد مندی کاثبوت ہے، پاکستان کی حکومت اور عوام اس ایثار کو کبھی فراموش نہیں کریں گے۔
قبل ازیں متحدہ عرب امارات (یواے ای) کے وزیربرائے ثقافت، نوجوانان اور سماجی ترقی شیخ نہیان بن مبارک آل نہیان نے پاکستان کے سیلاب متاثرین کے لئے10 ملین ڈالر مالی امداد کااعلان کیاہے ۔
پاکستان کے سیلاب متاثرین کے لئے انفرادی سطح پر دیاجانے والا شیخ نہیان بن مبارک آل نہیان کی طرف سے دیاجانے والا یہ اب تک کا سب سے بڑا عطیہ ہے ۔
وزیراعظم شہبازشریف نے متاثرین کی فراخ دلانہ مدد پرشیخ نہیان بن مبارک آل نہیان سے اظہار تشکر کرتے ہوئے کہا ہے کہ یہ ان کی پاکستانی عوام سے بے لوث محبت اور انسانیت کے لئے دردمندی کا ثبوت ہے۔ پاکستان کی حکومت اور عوام ان کے ایثار کو کبھی فراموش نہیں کرے گی ، اس سے سیلاب متاثرین کے ریسکیو، ریلیف اور بحالی میں بڑی مدد ملے گی۔ پاکستانی عوام سے آپ کی محبت دونوں ممالک کے برادرانہ تعلق کی تاریخ کا سنہری باب ہے۔
