لاہور( دنیا نیوز)مشیر وزیراعلیٰ پنجاب اور سابق گورنرعمر سرفراز چیمہ نے کہا ہے کہ الیکشن سے بھاگنے والے بھگوڑے اقتدار سے چمٹے رہنے کے لئے بہانے ڈھونڈ رہے ہیں، حکومتی دباؤ پر الیکشن کمیشن ن لیگ ، پی پی پی اور جے یو آئی کے فنڈنگ کیسز پر فیصلہ نہیں دے رہا۔
سماجی رابطے کی ویب سائٹ ٹویٹر پر اپنے پیغام میں عمر سرفراز چیمہ کا کہنا تھا کہ پی ڈی ایم سیاسی و معاشی عدم استحکام کے خاتمے کے بجائے اپنی چوری بچانے اور معیشت ڈبونے کے مشن پر ہے، شہباز شریف نے مشکل حالات میں ملک و قوم کے مفاد کے لئے سب سے مل کر کام کرنے کا کہا تو عمران خان نے بھی حکومت سے مذاکرات کیلئے گرین سگنل دے دیا ہے۔
الیکشن سے بھاگنے والے بھگوڑے اقتدار سے چمٹے رہنے کے لئے بہانے ڈھونڈ رہے ہیں
— Omar Sarfraz Cheema (@OmarCheemaPTI) September 13, 2022
حکومتی دباؤ پر الیکشن کمشن ن لیگ ، پی پی پی اور جے یو آئی کے فنڈنگ کیسز پر فیصلہ نہیں دے رہا
پی ڈی ایم سیاسی و معاشی عدم استحکام کے خاتمے کی بجائے اپنی چوری بچانے اور معیشت ڈبونے کے مشن پر ہے
مشیر وزیراعلیٰ نے کہا کہ سیاسی و معاشی عدم استحکام کا خاتمہ اور سیلاب زدگان کی بحالی جیسے اہم معاملات پر بات چیت سے قومی لائحہ عمل ترتیب دینے کی ضرورت ہے، سیاسی اور معاشی عدم استحکام کے خاتمے کے لئے نئے صاف شفاف الیکشن کے سوا اب کوئی اور راستہ نہیں ہے۔
شہباز شریف نے مشکل حالات میں ملک و قوم کے مفاد کے لئے سب سے مل کر کام کرنے کا کہا تو عمران خان نے بھی حکومت سے مذاکرات کے لئے گرین سگنل دے دیا ہے
— Omar Sarfraz Cheema (@OmarCheemaPTI) September 13, 2022
سیاسی و معاشی عدم استحکام کا خاتمہ اور سیلاب زدگان کی بحالی جیسے اہم معاملات پر بات چیت سے قومی لائحہ عمل ترتیب دینے کی ضرورت ہے
سابق گورنر پنجاب کا مزید کہنا تھا کہ ہم انتشار نہیں ملک میں استحکام ، اداروں کی مضبوطی اور نظام کی بہتری کے لئے جدوجہد کر رہے ہیں، اقتدار کو طول دینے کے لئے اداروں کو مخالفین کے خلاف استعمال ان کی ساکھ تباہ کر رہا ہے۔
سیاسی اور معاشی عدم استحکام کے خاتمے کے لئے نئے صاف شفاف الیکشن کے سوا اب کوئی اور راستہ نہیں ہے
— Omar Sarfraz Cheema (@OmarCheemaPTI) September 13, 2022
ہم انتشار نہیں ملک میں استحکام ، اداروں کی مضبوطی اور نظام کی بہتری کے لئے جدوجہد کر رہے ہیں
اقتدار کو طول دینے کے لئے اداروں کو مخالفین کے خلاف استعمال ان کی ساکھ تباہ کر رہا ہے
