لاہور: (ویب ڈیسک) پاکستان تحریک انصاف کے چیئر مین اور سابق وزیراعظم عمران خان نے کہا ہے کہ بڑے مجرموں کو اقتدار میں آنے کی اجازت دینے والوں کے مقدر میں ذلت لکھی جا چکی ہے۔
سماجی رابطے کی ویب سائٹ ٹویٹر پر اپنے ایک بیان میں سابق وزیراعظم نے لکھا کہ این آر ٹو کے حوالے سے ٹویٹ پر پاکستان تحریک انصاف کے سینیٹر اعظم سواتی کو زیرِ حراست تشدد کا نشانہ بنایا جانا ہماری تاریخ کا ایک اور شرمناک واقعہ ہے۔
اپنی بات کو جاری رکھتے ہوئے انہوں نے لکھا کہ کیا دھونس اور تشدد سے لوگوں کو کسی فرد یا ادارے کے احترام پر مجبور کیا جاسکتا ہے؟ قرآن پاک ہمیں سکھاتا ہے عزت و ذلت کا واحد مالک خدائے بزرگ و برتر ہے، جو ہمیں ہمارے اعمال کے مطابق ان میں سے کسی ایک کا حقدار بناتا ہے۔
عمران خان نے مزید لکھا کہ وہ سب جنہوں نے سب سے بڑے مجرموں کو قومی خزانے پر اربوں کا ڈاکہ ڈالنے کے بعد احتساب سے فرار ہی کی نہیں بلکہ ایک مرتبہ پھر اقتدار میں آنے کی اجازت دی، انکے مقدر میں ذلت لکھی جاچکی ہے۔
which He dispenses according to our deeds. Those who have allowed the biggest criminals not only to evade accountability after stealing billions from the nation but to come to power again are destined to be humiliated.
— Imran Khan (@ImranKhanPTI) October 13, 2022
