اسلام آباد : (دنیا نیوز ) چیئرمین پی ٹی آئی عمران خان نے اسلام آباد کے سیکٹر10 میں اسٹریٹ وینڈر کارٹس کوگرانے کے خلاف آواز اٹھاتے ہوئے اس کی شدید مذمت کی ہے ۔
چیئرمین پی ٹی آئی عمران خان نے سماجی رابطے کی ویب سائٹ ٹوئٹر پر ایک بیان میں کہا کہ مہنگائی اور بے روزگاری کے دنوں میں امپورٹڈ حکومت نے اسلام آباد کے آئی 10سیکٹر میں اسٹریٹ وینڈر کارٹس کو گرا کر ایک بار پھر بے حسی کا مظاہرہ کیا ہے ۔
انہوں نے کہا کہ اسٹریٹ وینڈر کارٹس ہماری حکومت نے احساس ریڑھی بان پروگرام کے تحت دی تھیں۔
At a time of rising inflation & unemployment this Imported Govt showed its callousness again by demolishing street vendor carts in Islamabad s I 10 sector provided by our Govt under Ehsaas Rehriban prog. Condemnable inhumane act deliberately targeting the poor & vulnerable. pic.twitter.com/D68h2hVqqk
— Imran Khan (@ImranKhanPTI) February 4, 2023
عمران خان نے مزید کہا کہ غریبوں، کمزوروں کو دانستہ نشانہ بنانا قابل مذمت ،غیر انسانی فعل ہے۔
خیال رہے کہ پی ٹی آئی حکومت نے اسلام آباد میں احساس ریڑھی بان پروگرام کے تحت شہر کے جی الیون مرکز میں ٹھیلے لگانے والے متعدد افراد کو سرکاری سٹالز مفت فراہم کیے گئے تھے ۔
