اسلام آباد: (دنیا نیوز) چیئرمین سینیٹ صادق سنجرانی نے کہا ہے کہ روڈ سیفٹی کے 2021-2030ء عالمی پلان پر عملدرآمد یقینی بنانا ہماری مشترکہ ذمہ داری ہے۔
چیئرمین سینیٹ صادق سنجرانی نے آئی پی سی کی روڈ سیفٹی کانفرنس میں شرکت کرنے والے غیر ملکی مندوبین سے خطاب کیا، 2 روزہ کانفرنس میں متفقہ طور پر اختیار کئے گئے اسلام آباد اعلامیہ کی بدولت مستقبل کا لائحہ عمل طے کرنے میں مدد ملے گی۔
یہ بھی پڑھیں: بھارت نے مقبوضہ کشمیر کی خصوصی حیثیت ختم کر کے انسانی حقوق پامال کیے، صادق سنجرانی
صادق سنجرانی نے کہا کہ بہتر منصوبہ سازی کے تحت حادثات کو کم کرنے اور حفاظتی معیارات کو مزید بہتر بنانے میں مدد ملے گی، مجھے یقین ہے کہ اس 2 روزہ کانفرنس میں جو سفارشات سامنے آئی ہیں وہ مستقبل کا لائحہ عمل اختیار کرنے میں مددگار ثابت ہوں گی۔
چیئرمین سینیٹ و صدر آئی پی سی کا کہنا تھا کہ مخلصانہ کوششوں کے تحت اختیار کیے گئے لائحہ عمل اور اہداف کا حاصل کرنا مشکل نہیں، آئی پی سی کے صدر کی حیثیت سے میرے لئے باعث اطمینان ہے کہ آئی پی سی عالمی جمہوری روایات کے فروغ کیلئے کوشاں ہے۔
An International Conference titled “Road Safety for parliamentarians” hosted by International Parliamentarian Congress (IPC) kicks off today. Chairman Senate Muhammad Sadiq Sanjrani, President of Pakistan Dr Arif Alvi, Secretary General IPC Sitara Ayaz, 1/4 pic.twitter.com/U4r6tN30FU
— Senate of Pakistan (@SenatePakistan) February 8, 2023
صادق سنجرانی نے کہا کہ آئی پی سی کا مقصد انسانیت کی بھلائی کیلئے ایک ہو کر کام کرنا ہے، انہوں نے شرکاء کے عزم اور حوصلے کی تعریف کی، چیئرمین سینیٹ نے تمام شرکاء کیلئے نیک خواہشات کا اظہار بھی کیا۔
انہوں نے کہا کہ مستقبل میں اس عالمی کانفرنس کے مثبت نتائج برآمد ہوں گے اور مزید کوششیں جاری رہیں گی، تقریب میں کثیر تعداد میں اراکین پارلیمنٹ اور اعلیٰ حکام نے شرکت کی۔
