لاہور: (دنیا نیوز) سپیکر پنجاب اسمبلی محمد سبطین خان نے کہا ہے کہ عدالت نے آئین کے مطابق فیصلہ دیا، عوامی امنگوں کے مطابق فیصلہ آنے پر قوم کو مبارکباد پیش کرتا ہوں۔
سپیکر پنجاب اسمبلی کا کہنا تھا کہ الیکشن کمیشن اب مزید تاخیر کے بجائے فوری طور پر الیکشن شیڈول جاری کرے، فیصلہ پاکستان کے عوام کی جیت ہے۔
محمد سبطین خان نے کہا کہ پنجاب میں عام انتخابات بارے آئین کے مطابق فیصلہ دے کر عدالت نے ملک کو ایک آئینی بحران سے نکالنے میں کلیدی کردار ادا کیا ہے۔
