لاہور: (دنیا نیوز) مسلم لیگ (ن) کی چیف آرگنائزر مریم نواز نے کہا ہے کہ لاشوں کا منتظر گدھ کہلاتا ہے، سیاست دان نہیں!۔
سماجی رابطے کی ویب سائٹ ٹوئٹر پر اپنے بیان میں مریم نواز نے کہا کہ جس کی سیاست لاشوں کی محتاج ہو جائے، یہ جان لو کہ اس کا ہر حربہ ناکام ہو چکا ہے اور وہ جان گیا ہے کہ شکست اس کا مقدر بن چکی ہے۔
جس کی سیاست لاشوں کی محتاج ہو جائے، یہ جان لو کہ اس کا ہر حربہ ناکام ہو چکا ہے اور وہ جان گیا ہے کہ شکست اس کا مقدر بن چکی ہے۔
— Maryam Nawaz Sharif (@MaryamNSharif) March 11, 2023
قبل ازیں فیصل آباد میں اجلاس سے خطاب کرتے ہوئے مریم نواز کا کہنا تھا کہ بدقسمتی سے ملک میں سوشل میڈیا کو کوڑے دان اور گٹر سوچ کا ذریعہ بنادیا گیا، لیگی کارکنان اور رضاکار یہ گند صاف کرنے میں کردار ادا کریں۔
مریم نواز کا مزید کہنا تھا کہ ترازو کے پلڑے برابر نہ ہوں تو صرف سلیکشن ہوتی ہے، ہماری حکومت ہی مہنگائی میں کمی لاسکتی ہے، مسلم لیگ (ن) ترقی اور عوام کی خوشحالی کا دوسرا نام ہے۔
