لاہور: (دنیا نیوز) پاکستان تحریک انصاف نے بدھ کو مینارِ پاکستان پر جلسہ کرنے کی اجازت مانگ لی۔
پی ٹی آئی نے جلسے کی اجازت کے لیے ڈپٹی کمشنر لاہور رافعہ حیدر کو درخواست دے دی ہے، سکیورٹی کلیئرنس کی درخواست سابق وفاقی وزیر حماد اظہر اور پی ٹی آئی وکلاء ونگ کی جانب سے جمع کروائی گئی ہے۔
یہ بھی پڑھیں:پی ٹی آئی کا مینار پاکستان جلسہ، ضلعی انتظامیہ نے بھی اجازت دینے سے انکار کر دیا
درخواست میں کہا گیا کہ مینار پاکستان پر جلسہ کرنا چاہتے ہیں، آئی جی اور چیف سیکرٹری سے ملاقات میں بھی جلسے کا ذکر کیا گیا تھا۔
یاد رہے کہ ضلعی انتظامیہ پہلے بھی سکیورٹی وجوہات کی بنا پر پی ٹی آئی کو جلسے کی اجازت دینے سے معذرت کر چکی ہے۔
واضح رہے کہ قبل ازیں لاہور ہائیکورٹ نے بھی پاکستان تحریک انصاف (پی ٹی آئی) کو اتوار کے روز مینار پاکستان پر جلسہ کرنے سے روکا تھا۔
