کراچی: (دنیا نیوز) کمرشل بینکوں نے ضروری کوائف جمع نہ کرانے پر ریلوے کے 17 ہزار ریٹائر ملازمین کی پنشن روک دی۔
ریلوے حکام کے مطابق بینکوں نے صرف ان لوگوں کی پنشن روکی ہے جنہوں نے لائف سرٹیفکیٹ، نو میرج سرٹیفکیٹ اور بائیو میٹرک تصدیق نہیں کروائی۔
قواعد کے مطابق ریٹائرڈ ملازمین کو ہر سال مارچ اور ستمبر میں ضروری کوائف بینکوں میں جمع کروانا ہوتے ہیں، پنشنرز یہ کوائف جمع کروائیں تاکہ ان کی پنشن بحال ہوسکے۔
ریلوے حکام کا کہنا ہے کہ معزز ریلوے پنشنرز حضرات اپنے کوائف بینکوں میں جمع کروائیں تاکہ ان کی پنشن بحال کی جا سکے۔
