کراچی: (دنیا نیوز) نو منتخب میئر کراچی اور سندھ حکومت کے ترجمان و مشیر قانون بیرسٹر مرتضیٰ وہاب اور ڈپٹی میئر سلمان عبداللہ مراد نے عبداللہ شاہ غازی کے مزار پر حاضری دی۔
اس موقع پر وزیر اعلیٰ سندھ کے معاونین خصوسی لیاقت آسکانی، آصف خان، کرم اللہ وقاصی، شکیل چودھری اور پیر معظم و دیگر ان کے ہمراہ تھے، ڈپٹی کمشنر جنوبی مرتضیٰ شیخ، ایڈمنسٹریٹر اوقاف اور دیگر نے انہیں خوش آمدید کہا۔
درگاہ حضرت سید عبداللہ شاہ غازی پر سلمان مراد اور پارٹی کے ساتھیوں کے ساتھ حاضری دی اور چادر چڑھائی pic.twitter.com/lN0r6CxEDn
— Murtaza Wahab Siddiqui (@murtazawahab1) June 16, 2023
بیرسٹر مرتضیٰ وہاب نے عبداللہ شاہ غازی کے مزار پر فاتحہ خوانی کی اور پھولوں کی چادر چڑھائی، نو منتخب میئر کراچی نے پاکستان خصوصاً کراچی کی ترقی اور شہر و شہریوں کی بہتری کیلئے دعا مانگی۔
اس موقع پر نو منتخب میئر کراچی مرتضیٰ وہاب اور ڈپٹی میئر سلمان عبداللہ کا کہنا تھا کہ شہر قائد کی بہتری کے لئے اپنی خدمات اور صلاحیتوں کو بروئے کار لائیں گے۔
