لاہور: (دنیا نیوز) ملک بھر میں شدید گرمی کی لہر برقرار ہے، انسانوں کے ساتھ ساتھ جانور بھی گرمی سے متاثر ہیں۔
انتظامیہ نے سفاری زو میں جانوروں کو گرمی سے بچانے کے لئے انتظامات مکمل کر لیے، زو میں گرین شیٹس کا استعمال کیا جانے لگا، پنجروں میں پنکھے اور ایئر کولرز نصب ، برف کے بلاک بھی رکھے جانے لگے۔
لاہور سفاری زو کے ویٹرنری ڈاکٹر رضوان کا کہنا ہے کہ جانوروں کو گرمی سے بچانے کے لئے انتظامات مکمل کر لئے، پرندوں کو گرمی سے بچانے کیلئے پانی میں وٹامن سی اور گلوکوز ڈال کر دیا جاتا ہے۔
ڈاکٹر رضوان کا مزید کہنا تھا کہ انسانوں کی طرح جانوروں پر بھی موسم کے اثرات مرتب ہوتے ہیں، سفاری زو کے جانوروں کو موسم کی شدت سے بچانے کیلئے ہر ممکن کوشش کی جاتی ہے۔
