اسلام آباد: (دنیا نیوز) وزیراعظم محمد شہباز شریف نے آئی ایس آئی ہیڈ کوارٹرز کا دورہ کیا، وزیر اعظم کو ملکی صورتحال پر بریفنگ دی گئی۔
وزیر اعظم کے ساتھ وزیر دفاع خواجہ آصف اور نائب وزیر اعظم اسحاق ڈار بھی تھے، آرمی چیف جنرل سید عاصم منیر بھی بریفنگ میں شریک تھے، بحریہ اور فضائیہ کے سربراہ بھی بریفنگ میں شریک تھے۔
شہباز شریف کو مسلح افواج کی تیاریوں پر تفصیل سے بریفنگ دی گئی، وزیر اعظم کو ہائبرڈ جنگی حکمت عملی اور دہشت گردوں کے خلاف آپریشنز پر بھی بریفنگ دی گئی۔
اس موقع پر وزیراعظم شہباز شریف نے کہا کہ پوری قوم بہادر افواج کے شانہ بشانہ سیسہ پلائی دیوار کی طرح کھڑی ہے۔
