اسلام آباد: (دنیا نیوز) وزیرِ مملکت قانون و انصاف بیرسٹرعقیل ملک نے کہا ہے کہ نوازشریف کے اڈیالہ جیل جانے بارے شوشہ چھوڑا گیا۔
دنیا نیوزکےپروگرام’’بات نکلےگی‘‘میں گفتگو بیرسٹر عقیل ملک کا کہنا تھا کہ خیبرپختونخوا میں تحریک عدم اعتماد کا پروگرام نہیں، وزیراعظم سے گورنر خیبرپختونخوا کی ملاقات معمول کی تھی۔
انہوں نے کہا کہ مولانا فضل الرحمان سےملاقات بھی معمول کی ملاقات تھی، بانی پی ٹی آئی حکومت کی وجہ سےجیل میں نہیں ہیں، بانی پی ٹی آئی 190 ملین پاؤنڈ کا ڈاکہ ڈالنے کی وجہ سے جیل میں ہیں۔
وزیرِ مملکت قانون و انصاف کا مزید کہنا تھا کہ کسی بھی لیول پر نواز شریف کے اڈیالہ جانے کی بات نہیں ہوئی، میاں نواز شریف کے اڈیالہ جیل جانے سے متعلق شوشہ چھوڑا گیا۔
