کراچی: (دنیا نیوز) کراچی میں نیشنل ہائی وے پر کوسٹر کی چھت سے گر کر 2 افراد جاں بحق ہوگئے۔
ایدھی حکام کے مطابق شہر قائد میں نیشنل ہائی وے پر رزاق آباد پولیس ٹریننگ سینٹر کے قریب افسوسناک حادثہ پیش آیا، جہاں کوسٹر کی چھت سے گر کر 2 افراد زندگی کی بازی ہار گئے، جاں بحق ہونے والوں کی نعشیں جناح ہسپتال منتقل کر دی گئی ہیں۔
پولیس ذرائع نے بتایا کہ جاں بحق ہونے والے افراد میں سے ایک کی شناخت 30 سالہ دانیال کے نام سے کی گئی ہے، جبکہ دوسرے کی شناخت کا عمل جاری ہے۔
