پشاور: (ویب ڈیسک) پشاور میٹرک بورڈ کی جانب سے سالانہ امتحان 2025 کے نتائج کا اعلان کر دیا گیا، جس میں کامیابی کا تناسب 83.5 فیصد رہا۔
میٹرک بورڈ کے سالانہ امتحانات 2025 کے نتائج کے مطابق ایک ہی سکول کی 3 طالبات نے پہلی، دوسری اور تیسری پوزیشن لے کر سب کو حیران کر دیا۔
ابتدائی 3 پہلی، دوسری اور تیسری پوزیشنز حاصل کرنے والی طالبات کا تعلق پشاور ماڈل سکول گرلز برانچ 2 سے نکلا۔
فاطمہ جگنو 1180 نمبر لے کر پہلے، سارہ عمران 1178 لے کر دوسرے نمبر پر رہیں جبکہ تیسری پوزیشن کیلئے اسی سکول کی ایک اور طالبہ سمیت یوسرا، شمائلہ اور آئنہ شعیب نے بالترتیب 1176 نمبر لئے ہیں۔
صوبائی حکومت کی طرف سے پہلی پوزیشن حاصل کرنے والی طالبہ کو 1 لاکھ 20 ہزار، دوسری پوزیشن والی کو 90 ہزار اور تیسرے نمبر پر آنے والی طالبہ کو 80 ہزار روپے کے انعامات دیئے گئے۔
دستاویز کے مطابق پشاور میٹرک بورڈ کے سالانہ امتحانات میں مجموعی طور پر 91 ہزار 589 طلبا و طالبات نے شرکت کی جن میں سے 76 ہزار 484 کامیاب قرار پائے۔
دوسری جانب جماعت نہم کے امتحانات میں ایک لاکھ ایک ہزار 888 طلبا و طالبات نے حصہ لیا جن میں سے 61 ہزار 753 طلبہ طالبات کامیاب ہوئے اور کامیابی کا تناسب 98.8 فیصد رہا۔
