لاہور: (دنیا نیوز) پنجاب بھر میں یوم شہدا پولیس کا شمعیں جلا کر باقاعدہ آغاز کیا گیا۔
آر پی او، سی پی اوز، ڈی پی اوز سمیت سینئر پولیس افسروں نے شرکت کی، شہدائے پولیس کے اہل خانہ، سول سوسائٹی، شہریوں کی کثیر تعداد نے بھی شرکت کی، شہدا کی یادگاروں سمیت مختلف مقامات پر شمعیں روشن کرکے شہدائے پولیس کو خراج عقیدت پیش کیا گیا۔
آئی جی پنجاب ڈاکٹر عثمان انور نے کہا شہدائے پولیس کی لازوال قربانیوں کو ہمیشہ یاد رکھا جائے گا، شہدائے پولیس جرات و بہادری اور ملک و قوم سے وفا کے پیکر ہیں، شہدائے پولیس کی فیملیز کی فلاح و بہبود اور ویلفیئر کا مکمل خیال رکھا جا رہا ہے۔
ترجمان پنجاب پولیس کے مطابق پنجاب سمیت ملک بھر میں 4 اگست کو یوم شہدا پولیس کے طور پر منایا جاتا ہے۔
.jpg)
