مٹیاری: (دنیا نیوز) حضرت شاہ عبداللطیف بھٹاٸی کا 282 واں 3 روزہ عرس آج سے بھٹ شاہ میں شروع ہو گیا ہے۔
گورنر کےپی فیصل کریم کنڈی اورصوباٸی وزیر ثقافت ذوالفقار شاہ نے عرس کی تقریبات کا آغاز کیا، ملک بھر سے زائرین کی آمد کا سلسلہ جاری ہے سیکورٹی کے غیر معمولی انتظامات کیے گئے۔
عرس کے آخری روز وزیر اعلی سندھ تقریبات میں شرکت کریں گے۔
شاہ لطیف 1689 میں سندھ کے علاقے ہالا حویلی میں پیدا ہوئے تھے اور ضلع مٹیاری میں 1752 میں وفات پائی، ان کا شمار سندھی زبان کے ممتاز ترین شعرا میں ہوتا ہے، ان کی شاعری میں صوفیانہ فکر، عشق حقیقی، وحدت الوجود، اور انسان دوستی کے گہرے اثرات ملتے ہیں۔
شاہ جو رسالو شاہ لطیف کی شاعری کا مجموعہ ہے، جو ان کی وفات کے بعد ان کے مریدین اور عقیدت مندوں نے مرتب کیا، اس کے ہر باب میں مخصوص لوک کہانیوں کے ذریعے روحانی پیغامات دیے گئے ہیں۔
شاہ عبداللطیف بھٹائی سندھ کی روح سمجھے جاتے ہیں، ہر سال ان کے مزار پر عرس منایا جاتا ہے، جس میں دنیا بھر سے زائرین، شعرا، درویش اور سیاح آتے ہیں۔
