اسلام آباد: (ویب ڈیسک) چیئرمین وزیراعظم یوتھ پروگرام رانا مشہود احمد خان نے کہا ہے کہ سیلاب سے قیمتی جانوں کے ضیاع پر دلی افسوس ہے۔
چیئرمین وزیراعظم یوتھ پروگرام رانا مشہود احمد خان نے کہا کہ مسلم لیگ (ن) ہمیشہ عوام کے ساتھ کھڑی رہی ہے، نوجوان رضا کاروں کو داد رسی کی ہر ممکن کوشش کی ہدایت کی ہے۔
انہوں نے کہا کہ مشکل کی اس گھڑی میں متاثرہ خاندانوں کے دکھ میں شریک ہیں، وزیراعظم شہباز شریف نے این ڈی ایم اے سے بریفنگ لی اور فوری اقدامات کی ہدایت دی ہے۔
انہوں نے کہا کہ ہماری کسی بھی چیز کی ضرورت ہو تو ہم حاضر ہیں، حکومت پاکستان ہر وقت اپنی عوام کے ساتھ ہے، وفاقی حکومت متاثرین کو محفوظ مقامات تک پہنچانے کی بھرپور کوشش کر رہی ہے۔
رانا مشہود احمد خان نے کہا کہ کشمیر کے ملحقہ علاقوں میں پل ٹوٹنے اور مشکلات باعثِ تشویش ہیں، نوجوان رضا کاروں کو داد رسی کی ہر ممکن کوشش کی ہدایت کی ہے، تمام پاکستانیوں کو متاثرین کو اپنی دعاؤں میں یاد رکھنا چاہئے، انہوں نے جاں بحق افراد کے درجات کی بلندی اور زخمیوں کی صحتیابی کی دعاکی ہے۔
