سوات: (دنیا نیوز) خیبر پختونخوا میں آرمی فلڈ ریلیف آپریشن کے دوران بونیر ، شانگلہ اور سوات کے مختلف علاقوں میں ملبے سے زخمیوں اور لاشوں کو نکالنے کا سلسلہ جاری ہے۔
پاک فوج کے جوان ٹوٹے ہوئے پلوں اور بند راستوں کو بھی کھولنے میں مصروف ہیں، موسم کی خرابی کے باوجود پاک فوج کے ہیلی کاپٹر ریسکیو مشن میں مصروف ہیں۔
پاکستان آرمی کے ڈاکٹرز نے متاثرہ علاقوں میں میڈیکل کیمپ بھی لگا لیا ہے جہاں مفت ادویات کی تقسیم جاری ہے، پاک فوج کے ایک دن کے راشن کی اشیاء کو بھی ضرورت مند افراد تک پہنچایا جا رہا ہے۔
پاک فوج کی جانب سے متاثرہ خاندانوں کو ضروری اشیاء کی فراہمی بھی جاری ہے، امدادی اشیاء میں بستر اور ٹینٹ شامل ہیں، عوام نے پاک فوج کی امدادی کوششوں پر اطمینان کا اظہار کرتے ہوئے پاک فوج کا شکریہ ادا کیا۔
