اسلام آباد: (دنیا نیوز) اسلام آباد ہائیکورٹ کے ججز کا آئندہ ہفتے کا ڈیوٹی روسٹر جاری کر دیا گیا۔
چیف جسٹس سرفراز ڈوگر کی منظوری سے رجسٹرار ہائیکورٹ نے ڈیوٹی روسٹر جاری کیا، اسلام آباد ہائیکورٹ میں آئندہ ہفتے 9 سنگل بنچز اور 5 ڈویژن بنچ دستیاب ہوں گے۔
روسٹر کے مطابق جسٹس بابر ستار اور جسٹس سردار اعجاز اسحاق خان کے سنگل بنچز ختم کر دیئے گئے، دونوں ججز کا ٹیکس سے متعلق کیسز کیلئے خصوصی ڈویژن بنچ تشکیل دے دیا گیا۔
جسٹس بابر ستار اور جسٹس سردار اعجاز اسحاق خان کی عدالت کے کیسز دوسرے بنچز کو منتقل کر دیئے گئے۔
روسٹر کے مطابق ڈاکٹر عافیہ صدیقی کیس جسٹس سردار اعجاز اسحاق خان کی عدالت سے جسٹس انعام امین منہاس کو منتقل کیا گیا، جسٹس سردار اعجاز اسحاق خان نے وزیراعظم اور وفاقی کابینہ کو توہینِ عدالت کے نوٹسز جاری کئے تھے۔
جسٹس سردار اعجاز اسحاق خان نے توہینِ عدالت کے نوٹسز جاری کر کے یکم ستمبر تک جواب طلب کیا تھا۔
