کراچی: (دنیا نیوز) چیئرمین پاکستان پیپلز پارٹی بلاول بھٹو زرداری نے کہا کہ حکومت سندھ سیلاب متاثرین کی مدد میں کوئی کسر نہ چھوڑے۔
چیئرمین پاکستان پیپلز پارٹی بلاول بھٹو زرداری سے صوبائی وزیرِتوانائی سید ناصرحسین شاہ کی ملاقات ہوئی۔
اس موقع پر بلاول بھٹو نے کہا کہ ریلیف سرگرمیوں میں شفافیت اور فوری اقدامات کو یقینی بنایا جائے، متاثرہ علاقوں میں مستقل بحالی کے لیے جامع منصوبہ بندی کی جائے۔
ناصر حسین شاہ نے بلاول زرداری کو بریفنگ دی کہ روہڑی سمیت مختلف علاقوں میں امدادی کارروائیاں جاری ہیں، سیلاب زدہ علاقوں میں ریسکیو ٹیمیں اور ریلیف کیمپ فعال ہیں۔
صوبائی وزیرِتوانائی سید ناصرحسین شاہ نے بتایا کہ حکومتِ سندھ کی تمام مشینری الرٹ ہے اور حکومت عوام کے ساتھ کھڑی ہے۔
