راولپنڈی :(دنیا نیوز) اڈیالہ جیل کے باہر پی ٹی آئی کارکنوں کا صحافیوں پر تشدد کے معاملے پر مقدمہ درج کرلیا گیا۔
ذرائع کے مطابق تھانہ صدر بیرونی نے مقدمہ درج کرلیا، مقدمہ صحافی طیب بلوچ کی مدعیت میں درج کیا گیا،مقدمہ میں علیمہ خان کوبھی نامزد کیا گیا۔
ایف آئی آر کے متن میں پی ٹی آئی وکیل نعیم پنجوتھا، انتصار ستی اور 40 کے قریب نامعلوم کارکنوں کو بھی نامزد کیا گیا۔
خیال رہے مقدمہ نمبر 1169/25 میں تعزیرات پاکستان کی پانچ دفعات شامل ہیں، جن میں دفعہ 506، 147، 149، 382 اور 427 بھی شامل ہے۔
