اسلام آباد: (ویب ڈیسک) نائب وزیراعظم و وزیر خارجہ سینیٹر محمد اسحاق ڈار نے دوحہ پر اسرائیلی حملے کی شدید مذمت کی۔
نائب وزیراعظم و وزیر خارجہ سینیٹر محمد اسحاق ڈار نے سماجی رابطہ کی ویب سائٹ ایکس پر اپنے ایک بیان میں کہا کہ یہ حملہ بین الاقوامی قانون اور انسانی اصولوں کی صریح خلاف ورزی ہے، شہریوں اور خودمختار ریاست کی سرزمین کو نشانہ بنانا سنگین جارحیت ہے۔
محمد اسحاق ڈار نے مزید کہا کہ پاکستان ان حالات میں قطر کے عوام اور ریاست کے ساتھ اپنی غیر متزلزل حمایت کا اعادہ کرتا ہے۔
