اسلام آباد: (دنیا نیوز) وزیرداخلہ محسن نقوی اور وزیر مملکت طلال چودھری شہید کیپٹن تیمور حسن کی رہائش گاہ گئے۔
وزیرداخلہ محسن نقوی اور وزیر مملکت طلال چودھری نے سوگوار خاندان سے دلی ہمدردی اور تعزیت کا اظہار کیا، شہید کے درجات کی بلندی کیلئے دعا کی، محسن نقوی نے کہا، جوان اور اکلوتے بیٹے کی جدائی کا دکھ الفاظ میں بیان نہیں کیا جاسکتا۔
وزیر داخلہ کا مزید کہنا تھاکہ آپ کی ہمت اور حوصلے کو سلام پیش کرتے ہیں، کیپٹن تیمور حسن کی شہادت سے 3 روز بعد شادی ہونی تھی۔
شہید کیپٹن تیمور حسن کے والد بریگیڈیئر حسن عباس نے کہا کہ میرا بیٹا اللہ تعالیٰ کی امانت تھا، اللہ تعالیٰ نے اپنی امانت واپس لے لی، ہر کسی نے رب کے پاس لوٹنا ہے جن کی عزت سے واپسی ہو وہی کامیاب ہے، وفاقی سیکرٹری داخلہ، چیف کمشنر اسلام آباد، آئی جی اسلام آباد پولیس اور ڈپٹی کمشنر اسلام آباد بھی اس موقع پر موجود تھے۔
