اسلام آباد: (دنیا نیوز) ایم ڈی کیٹ 2025 کے لیے ایک لاکھ 40 ہزار 71 امیدواروں کی رجسٹریشن مکمل کر لی گئی۔
ایم ڈی کیٹ 2025 کا امتحان اب 26 اکتوبر کو ہوگا، سیلاب متاثرہ طلبہ کے پیش نظر امتحان کی تاریخ 5 سے 26 اکتوبر کر دی گئی۔
پنجاب سے سب سے زیادہ 50 ہزار 443 امیدوار رجسٹر ہوئے، خیبرپختونخوا سے 39 ہزار 964 اور سندھ سے 33 ہزار 160 امیدوار رجسٹر ہوئے۔
بلوچستان سے 10 ہزار 278، اسلام آباد سے 1,146، آزاد کشمیر سے 3,322 اور گلگت بلتستان سے 1,564 امیدوار ایم ڈی کیٹ میں شریک ہوں گے۔
ریاض، سعودی عرب میں بھی 194 امیدوار امتحان دیں گے، ایم ڈی کیٹ امتحان صوبائی جامعات کے ذریعے منعقد ہوگا، یکساں نصاب اور سوالات کا بینک پی ایم اینڈ ڈی سی نے تیار کیا۔
یونیورسٹیوں کو ہدایت کی گئی ہے کہ امتحان کے دوران نقل یا پیپر لیک کی کوشش سختی سے روکی جائے، امیدوار صرف یونیورسٹیوں اور پی ایم ڈی سی کی ہدایات پر عمل کریں، افواہوں سے بچیں۔
