کراچی: (دنیا نیوز) سندھ حکومت نے صوبے کے 14 اضلاع میں بلدیاتی ضمنی انتخابات کے موقع پر تعطیل کا اعلان کر دیا۔
صوبائی حکومت نے متعلقہ حلقوں میں سکولوں کی تعطیل کا نوٹیفکیشن جاری کر دیا، جس کے مطابق بلدیاتی ضمنی انتخابات والے حلقوں میں 24 ستمبر (بروز بدھ) کو تعطیل ہوگی۔
دوسری جانب سندھ کے 14 اضلاع کی 28 نشستوں پر ضمنی انتخابات کے پیش نظر محکمہ تعلیم سندھ نے ضلعی تعلیمی افسران اور ڈائریکٹوریٹ پرائیویٹ سکولز کو خط لکھ دیا، جس میں کہا گیا کہ بلدیاتی ضمنی انتخابات والے اضلاع میں سکولوں میں پولنگ سٹیشنز قائم کیے جائیں گے۔
محکمہ تعلیم سندھ کی ڈائریکٹوریٹ پرائیویٹ سکولز اور ضلعی تعلیمی افسران کو تعاون کے احکامات بھی جاری کئے۔
نوٹیفکیشن کے مطابق گھوٹکی، سکھر، خیرپور، میرپور خاص، عمر کوٹ، مٹیاری، حیدرآباد، جامشورو، دادو، بدین اور ٹھٹھہ میں تعطیل ہوگی، اس کے علاوہ کراچی ویسٹ، کراچی ایسٹ اور کیماڑی کے اضلاع میں بھی 24 ستمبر (بروز بدھ) سکول، سرکاری و دیگر کاروباری ادارے بند رہیں گے۔
