راولپنڈی (دنیا نیوز) طالب علم سے زیادتی کرنے والے معلم کو عمر قید کی سزا سنا دی گئی۔
ایڈیشنل سیشن جج راولپنڈی افشاں اعجاز صوفی نے سزا سنائی ، مجرم محمد افضل کو 5 لاکھ روپے ہرجانے اور 2 لاکھ روپے جرمانے کی بھی سزا سنائی گئی۔
عدالت نے ٹھوس شواہد اور مقدمے کی مؤثر پیروی کے پیش نظر مجرم کو قرار واقعی سزا سنائی، عدالت نے ریمارکس دیے کہ بچوں سے زیادتی ناقابل معافی جرم ہے، کسی قسم کی رعایت نہیں دی جا سکتی۔
واقعہ کا مقدمہ مئی 2022 میں تھانہ نصیر آباد میں درج کیا گیا تھا۔
