اسلام آباد:(دنیانیوز) جمعیت علماء اسلام نے پارٹی پالیسی کے خلاف 27 ویں ترمیم کے حق میں ووٹ دینے پر سینیٹر احمد خان کو پارٹی سے فارغ کر دیا ہے۔
جمعیت علمائے اسلام پاکستان نے پارٹی ڈسپلن کی خلاف ورزی کرتے ہوئے 27ویں آئینی ترمیم کے حق میں حکومتی بل کو سپورٹ کرنے پر سینیٹر احمد خان کو پارٹی سے خارج کرکے باقاعدہ نوٹیفکیشن جاری کر دیا ۔
ترجمان جے یو آئی کا اِس حوالے سے کہنا تھا کہ جمعیت علمائے اسلام پاکستان کے پارلیمانی لیڈر سینیٹر مولانا عطاء الرحمٰن اور صوبائی امیر بلوچستان سینیٹر مولانا عبد الواسع کی سفارش پر ڈسپلن کی خلاف ورزی پر کارروائی کی۔
اُنہوں نے مزید کہا کہ مرکزی جماعت نے فوری طور پر سینیٹر احمد خان کو پارٹی سے خارج کرتے ہوئے کہا ہے کہ وہ فوری طور پر سینیٹ کی نشست سے مستعفی ہوں، ورنہ جمعیت علمائے اسلام پاکستان سینیٹ میں اُن کی ڈس کوالیفکیشن کے لیے الیکشن کمیشن سے رجوع کرے گی۔
