لاہور: (دنیا نیوز) ایک اور وعدے کی تکمیل، ایک اور خواب کی حقیقت، بے گھر لوگوں کے لئے پاکستان کے پہلے اور منفرد ”اپنی زمین، اپنا گھر“ پروگرام کا آغاز ہو گیا۔
پاکستان مسلم لیگ (ن) کے صدر محمد نواز شریف اور وزیراعلیٰ مریم نواز شریف نے ”اپنی زمین، اپنا گھر“پروگرام کی قرعہ اندازی کا آغاز کیا، قائد محمد نواز شریف نے وزیراعلیٰ مریم نواز شریف کی درخواست پر بٹن دبا کر”اپنی زمین، اپنا گھر“کا ڈیجیٹل افتتاح کیا۔
سابق وزیراعظم محمد نوازشریف نے ڈیجیٹل ٹچ کے ذریعے سکیم کا باضابطہ آغاز کیا، وزیراعلیٰ مریم نواز شریف نے اٹک کی خاتون رخسانہ بی بی کو خود فون کرکے پلاٹ نکلنے پر مبارکباد پیش کی۔
”مبارک ہو، قرعہ اندازی میں مفت پلاٹ نکل آیا ہے“، قائد مسلم لیگ (ن) محمد نواز شریف نے رخسانہ بی بی سے ٹیلی فون پر گفتگو کے دوران مبارکباد دی، رخسانہ بی بی نے قائد مسلم لیگ (ن) محمد نواز شریف اور وزیراعلیٰ مریم نواز شریف کو دعائیں دیں۔
— Malik Sajawal (@Malik__Sajawal) November 26, 2025
وزیراعلیٰ مریم نواز شریف نے بہاولپور کی تحصیل منڈی یزمان کی میرومائی کا پلاٹ نکلنے پر فون کیا، قائد مسلم لیگ ن محمد نواز شریف نے بات چیت کی، میرو مائی کے شوہر رمیش لال قائد مسلم لیگ ن محمد نواز شریف اور وزیراعلیٰ مریم نواز شریف کا فون آنے پر خوشی سے نہال ہو گئے۔
”مجھے جانتے ہیں؟“ ”پوچھنے کی بات نہیں“،”آپ ہمارے سب سے بڑے قومی لیڈر ہیں“، قائد محمد نواز شریف سے رمیش لال کی خوشگوار بات چیت۔
مریم نواز شریف نے کہا کہ قائد محمد نواز شریف کا ”اپنی زمین، اپنا گھر“پراجیکٹ کی قرعہ اندازی کے لئے تشریف لانے پر شکریہ ادا کرتے ہیں، تین مرلہ کا پلاٹ حاصل کرنے والے شہریوں کو مبارکباد پیش کرتی ہوں۔
وزیراعلیٰ پنجاب نے کہا کہ تین مرلہ کا مفت پلاٹ حاصل کرنے والے گھر بنانے کے لئے 15 لاکھ قرض حاصل کر سکتے ہیں، 15 لاکھ قرض نو سال میں 14 ہزار ماہانہ آسان اقساط میں ادا کرنا ہے، کھوکھلے نعرے نہیں وعدوں کی حقیقی تعبیر پیش کر رہے ہیں۔
یہ بھی پڑھیں: نفرت، جھوٹ، گالی گلوچ کی سیاست کو عوام نے مسترد کر دیا: نواز شریف
صوبائی وزیر ہاؤسنگ بلال یاسین نے ”اپنی زمین، اپنا گھر“پر تفصیلی بریفنگ دی، پنجاب بھر کے 19 اضلاع کی 23 ہاؤسنگ سکیموں میں 2 ہزار افراد کو رہائشی پلاٹ مل گئے۔
جہلم میں 730، قصور میں 388، فیصل آباد 257، لودھراں میں 219 نادار افراد کو پلاٹ مل گئے، ضلع اوکاڑہ کے 130، لیہ55، بھکر52، ساہیوال کی 33 اور سرگودھا کے 25 افراد کو پہلے مرحلے میں پلاٹ مل گئے۔
ضلع خوشاب میں 24، بہاولنگر 20، منڈی بہاؤالدین 17، راجن پور میں 15 اور اٹک میں 11 خوش نصیب کو پلاٹ مل گئے، ضلع گجرات8، بہاولپور7، جھنگ اور وہاڑی میں چار چار اور چنیوٹ کے 2 درخواست دہندگان پلاٹ کے حق دار ٹھہرے۔
انہوں نے کہا کہ ”اپنی زمین، اپنا گھر“ پروگرام میں شفافیت یقینی بنانے کے لئے فول پروف طریقہ کار اپنایا گیا، ”اپنی زمین، اپنا گھر“ پروگرام میں 4 لاکھ 83 ہزار سے زائد افراد نے رجسٹریشن کرالی۔
یہ بھی پڑھیں: شہباز شریف کی بحرین کے ولی عہد سے ملاقات، اقتصادی تعاون پر تبادلہ خیال
پہلے فیز کے لئے 2 لاکھ 57 ہزار سے زائد درخواستیں موصول ہوئیں، ”اپنی زمین، اپنا گھر“ پروگرام کے لئے اپلائی کرنے والوں کی نادرا ر ڈسٹرکٹ فیلڈ سٹاف کے ذریعے سکریننگ اور تصدیق کرائی گئی۔
ڈسٹرکٹ سکروٹنی کمیٹی نے 18 ہزار 308 درخواست دہندگان کو قرعہ اندازی کا اہل قرار دیا، صوبہ بھر میں 18 لاکھ سے زائد لوگوں نے ”اپنی چھت، اپنا گھر“ ایپ استعمال کی، 9 لاکھ 70 ہزار افراد رجسٹرڈ کئے گئے۔
”اپنی چھت، اپنا گھر“پراجیکٹ کے تحت ایک لاکھ 18 ہزار لوگوں کو 145 ارب روپے کے قرض مل گئے۔
