اسلام آباد: (ویب ڈیسک) مصر کے وزیر خارجہ ڈاکٹر بدر احمد عبدالعاطی 2 روز ہ سرکاری دورے پر پاکستان پہنچ گئے۔
وزارت خارجہ کے اعلیٰ حکام نے معزز مہمان کا استقبال کیا، مصری وزیر خارجہ بدر احمد عبدالعاطی نائب وزیراعظم اسحاق ڈار کی دعوت پر پاکستان کا دورہ کر رہے ہیں۔
مصری وزیرخارجہ کے دورہ کے دوران پاکستان اور مصر کے درمیان سیاسی، اقتصادی، معاشی اور دفاعی تعاون پر بات ہوگی۔
بدر احمد عبدالعاطی اپنے پاکستانی ہم منصب اور نائب وزیراعظم اسحاق ڈار سے مذاکرات کے بعد مشترکہ پریس کانفرنس سے خطاب کریں گے۔
