اٹلی: (دنیا نیوز) اطالوی فٹبال لیگ کے میچ میں یووینٹس کی ٹیم نے بولونا کو تین ایک سے ہرا دیا ہے۔ ٹیم یووینٹس ایونٹ کا ٹائٹل جیتنے سے صرف ایک قدم دور ہے۔
اطالوی فٹبال لیگ میں یووینٹس اور بولونا کے درمیان دلچسپ مقابلہ ہوا۔ بولونا کی ٹیم نے کھیل کے 30ویں منٹ میں پنلٹی کِک پر گول داغ کر برتری حاصل کی تاہم کھیل کے 50ویں منٹ میں بولونا کے کھلاڑی نے اپنی ہی ٹیم کے خلاف گول کر کے مقابلہ برابر کر دیا۔
یووینٹس نے اس کے بعد مزید دوبار گیند کو جال میں پہنچایا لیکن بولونا کا سکور ایک گول سے آگے نہ بڑھ سکا۔ اس شاندار جیت کے بعد یووینٹس ایونٹ کا ٹائٹل جیتنے سے صرف ایک مزید کامیابی کی دوری پر ہے۔
