قاہرہ: (دنیا نیوز) سپر سٹار فٹبالر محمد صلاح کے پرستاروں کے لیے بری خبر، ٹخنے کی انجری افریقہ کپ آف نیشنز کوالیفائرز میں مصر کی نمائندگی کے لیے رکاوٹ بن گئی، کینیا اور کوموروس کے خلاف اِن ایکشن نہیں ہو سکیں گے۔
قاہرہ میں شیڈول افریقہ کپ آف نیشنز کے کوالیفائرز، کینیا اور مصر کا میچ شروع ہونے سے پہلے ہی بے مزہ، سپر سٹار محمد صلاح کی انجری اور عدم شرکت مصری ٹیم سمیت پرستاروں کے لیے درد سر بن گئی۔
گذشتہ ہفتے ٹخنے کی انجری کا شکار محمد صلاح کو ڈاکٹرز نے آرام کا مشورہ دے دیا، مایہ ناز فارورڈ محمد صلاح چودہ اور پھر اٹھارہ نومبر کو شیڈول کوموروس کے خلاف میچ میں جلوہ گر نہیں ہوں گے۔
محمد صلاح کی عدم شرکت صرف فٹبال شائقین اور ماہرین کے لیے ہی بری خبر نہیں بلکہ مصری ٹیم کے لیے بھی درد سر بن گئی ہے۔
