سیئول: (ویب ڈیسک) برطانوی نمبر ون اور نامور ٹینس سٹار کیمرون نوری کوریا اوپن ٹینس ٹورنامنٹ کا فاتحانہ آغاز کرتے ہوئے مردوں کے سنگلز مقابلوں کے کوارٹر فائنل رائونڈ میں پہنچ گئے۔
کیمرون نوری نے مینز سنگلز راؤنڈ کے دوسرے راؤنڈ میں حریف جاپان کے کیچی اچیڈا کو شکست دی، اے ٹی پی کے زیر اہتمام کوریا اوپن ٹینس ٹورنامنٹ کے دلچسپ مقابلوں کا سلسلہ کوریا میں جاری ہے۔
مردوں کے سنگلز مقابلوں کے دوسرے راؤنڈ میں برطانوی ٹینس سٹار کیمرون نوری نے انتہائی شاندار کارکردگی کا مظاہرہ کرتے ہوئے حریف جاپان کے کیچی اچیڈا کو سٹریٹ سیٹس میں 2-6 اور 2-6 سے ہرا کر ٹاپ 8 راؤنڈ کے لئے کوالیفائی کرلیا۔
ٹاپ 8 راؤنڈ میں کیمرون کا مقابلہ امریکی حریف کھلاڑی جینسن بروکسبی سے ہوگا۔27 سالہ کیمرون نوری نے دوسرے رائونڈ میں حریف جاپانی کھلاڑی کو ایک گھنٹے اور تین منٹ میں شکست دی۔کیمرون نوری رواں سال میں دو اے ٹی پی ٹائٹلز جیت چکے ہیں جبکہ اب تک ان کے مجموعی ٹائٹلز کی تعداد 4 ہے۔
