لاہور : ( ویب ڈیسک ) قومی سنوکر چیمپئن شپ کی سیمی فائنل لائن اپ مکمل ہوگئی، شان نعمت، اویس اللہ منیر، شاہد آفتاب اور سلطان محمد نے سیمی فائنل میں رسائی حاصل کر لی۔
میڈیا رپورٹس کے مطابق نیشنل سنوکر چیمپئن شپ کے پہلے کوارٹر فائنل میں شان نعمت نے بلوچستان چیمپئن عادل اے جبار کو جبکہ دوسرے کوارٹر فائنل میں اویس منیر اللہ نے سابق عالمی جونیئر امیچور چیمپین نسیم اختر کو شکست دی۔
نیشنل ایونٹ کے تیسر کوارٹر فائنل میں شاہد آفتاب نے آکاش رفیق کو جبکہ چوتھے کوارٹر فائنل میں سلطان محمد نے سربلند خان کو ہرایا۔
شیڈول کے مطابق ایونٹ کے سیمی فائنل معرکوں میں شان نعمت کا مقابلہ اویس منیر اللہ سے ہوگا جبکہ شاہد آفتاب اور سلطان محمد مدمقابل آئیں گے۔
