دبئی : ( ویب ڈیسک ) چان ہاؤ چنگ اور ان کی ہم وطن جوڑی دار لتیشا چن پر مشتمل چائینز تاپئے کی جوڑی ورلڈ ٹینس ایسوسی ایشن ( ڈبلیو ٹی اے ) دبئی اوپن ٹینس ٹورنامنٹ کے سیمی فائنل میں پہنچ گئی۔
ایوی ایشن کلب ٹینس سینٹر میں ڈبلیو ٹی اے ایونٹ کے ویمنز ڈبلز مقابلوں کے کوارٹر فائنل میچ میں فاتح جوڑی نے کو کو گف اور جیسیکاپیگولا پر مشتمل امریکی ٹاپ سیڈڈ جوڑی کو شکست دے کر ایونٹ کے سیمی فائنل کے لئے کوالیفائی کیا۔
کوارٹر فائنل میچ میں چان ہاؤ چنگ اور لتیشا چن نے شاندار کارکردگی کا مظاہرہ کرتے ہوئے کو کو گف اور جیسیکاپیگولا کو سٹریٹ سیٹس میں 1-6 اور 3-6 سے شکست دے کر اگلے مرحلے کے لئے کوالیفائی کیا۔
