لندن : ( ویب ڈیسک ) انگلش پریمیئر لیگ ( ای پی ایل ) میں دوبارہ میچز کا سلسلہ 15 اپریل ( کل ) سے شروع ہو گا۔
پریمیئر فٹ بال لیگ اب تک کھیلے گئے میچز میں آرسنل کی 30 میچز میں سے 23 میں کامیابی کے بعد 73 پوائنٹس کے ساتھ پہلی پوزیشن برقرار ہے۔
مانچسٹر سٹی نے اب تک 29 میچ کھیل کر 21 میں کامیابی حاصل کی ہے اور وہ 67 پوائنٹس کے ساتھ دوسرے نمبر پر ہے۔
نیوکیسل یونائیٹڈ 56 پوائنٹس کے ساتھ تیسرے جبکہ مانچسٹر یونائیٹڈ 56 پوائنٹس کے ساتھ ایک درجہ تنزلی کے بعد چوتھے نمبر پر چلی گئی ہے۔
دیگر ٹیموں میں ٹوٹنہام ہاٹ پور 53 پوائنٹس کے ساتھ پانچویں، آسٹن ولا 47 پوائنٹس کے ساتھ چھٹے ، برائٹن اینڈ ہوو البیون 46 پوائنٹس کے ساتھ ساتویں، لیور پول آٹھویں ، برینٹ فورڈ نویں اور فلہم 39 پوائنٹس کے ساتھ دسویں نمبر پر موجود ہے۔
کل سے شروع ہونے والے میچز میں پہلے روز چھ میچز کھیلے جائیں گے جن میں آسٹن ولا اور نیوکیسل یونائیٹڈ، ساؤتھ ایمپٹن اور کرسٹل پیلیس، ایورٹن اور فلہم ، ٹوٹنہام اور برن ماؤتھ، وولوز اور برینٹ فورڈ جبکہ چیلسی اور برائٹن کی ٹیمیں مدمقابل ہوں گی۔
