ریاض: (ویب ڈیسک) گزشتہ برس ارجنٹائن کو فٹبال ورلڈکپ جتوانے والے سٹار فٹبالر لیونل میسی چھٹیاں منانے فیملی کے ہمراہ سعودی عرب پہنچ گئے۔
سماجی رابطے کی ویب سائٹ ٹوئٹر پر اپنے ایک پیغام میں سعودی وزیر سیاحت احمد الخطیب نے کہا کہ مجھے سعودی عرب کے سیاحتی سفیر لیونل میسی اور ان کے اہل خانہ کو سعودی عرب میں دوسری چھٹیاں منانے پر خوش آمدید کہتے ہوئے خوشی ہو رہی ہے۔
— Ahmed Al Khateeb أحمد الخطيب (@AhmedAlKhateeb) May 1, 2023
ایک اور ٹوئٹ میں سعودی وزیر سیاحت نے لیونل میسی اور ان کے اہل خانہ کی سعودی عرب میں سرگرمیوں کی کچھ تصاویر شیئر کیں جن میں فٹبالر کو فیملی کے ہمراہ دھوپ سے لطف اندوز ہوتے، کیرم بورڈ گیم کھیلتے اور اپنے بچوں کے ساتھ ہرن کو چارہ ڈالتے دیکھا جاسکتا ہے۔
— Ahmed Al Khateeb أحمد الخطيب (@AhmedAlKhateeb) May 1, 2023
خیال رہے کہ عالمی شہرت یافتہ فٹبالر لیونل میسی سعودی وزارت سیاحت کے پروموشنل برانڈ وزٹ سعودی کے سفیر ہیں، میسی نے گزشتہ سال مئی میں بھی سعودی عرب کا دورہ کیا تھا۔
یہ بھی پڑھیں: لیونل میسی کا سعودی فٹبال کلب النصر سے معاہدے پر غور
