لندن : ( ویب ڈیسک ) انگلش پریمیئر لیگ ( ای پی ایل ) میں آج آرسنل اور چیلسی کی ٹیمیں مد مقابل ہوں گی۔
پریمیئر فٹ بال لیگ کے 124 ویں ایڈیشن کے دلچسپ مقابلوں کا سلسلہ انگلینڈ میں جاری ہے، ایونٹ میں آج کھیلے جانے والے واحد میچ میں آرسنل اور چیلسی کی ٹیمیں ایمریٹس سٹیڈیم، لندن کے مقام پر نبرد آزما ہوں گی۔
پوائنٹس ٹیبل کے مطابق آرسنل کی ٹیم کی ایک درجہ تنزلی ہوچکی ہے اور وہ 75 پوائنٹس کے ساتھ پہلے سے دوسرے نمبر پر پہنچ گئی ہے۔
چیلسی کی ٹیم اب تک 32 میچز کھیل چکی ہے اور وہ 10 میچز میں فتح کے بعد 39 پوائنٹس کے ساتھ 12 ویں پوزیشن پر موجود ہے۔
