لندن : ( ویب ڈیسک ) انگلش فٹبال کلب چیلسی کے نئے مینجر موریسیو پوچیٹینو نے عہدہ سنبھال لیا۔
ٹوٹنہم کلب کے سابق باس 51 سالہ موریسیو پوچیٹینو نے دو سال کے معاہدے کے بعد چیلسی کے نئے مینجر کا عہدہ سنبھال لیا۔
چیلسی نے 2022-23 میں ایک خوفناک سیزن کا سامنا کیا جس میں کلب کے تین مینجر تھے اور وہ لیگ میں 12ویں نمبر پر رہے، اس سیزن کے شروع میں تھامس ٹوچل اور گراہم پوٹر کی برطرفی کے بعد پوچیٹینو پانچ سالوں میں چیلسی کے چھٹے مستقل مینجر ہیں۔
اپنی پہلی نیوز کانفرنس سے خطاب کرتے ہوئے انہوں نے کہا کہ میں نے کلب مالکان کے ساتھ بہت اچھے طریقے سے بات کی، وہ ہوشیار لوگ ہیں، سب سے اہم چیز جو مجھے انہیں دکھانے کی ضرورت ہے وہ ہے مجھ پر بھروسہ کرنا ، کھلاڑی اور شائقین میرے فیصلوں اور میرے کام کرنے کے طریقے پر بھروسہ کر سکتے ہیں۔
ان کا مزید کہنا تھا کہ میرا ہدف اور میرا مقصد جیتنا ہے، چیلسی کو پہلے دن سے ڈیلیور کرنا چاہیے، میں کھلاڑیوں کو وقت ضائع کرنے کا موقع نہیں دے رہا ہوں، ہمیں شروع سے ہی اپنی بہترین کارکردگی دکھانے کی ضرورت ہے اور ہمارے پاس جلد ایک سکواڈ ہوگا جو ڈیلیور کر سکے۔
