پاکستان کے محمد آصف ورلڈ گیمز سنوکر کے سیمی فائنل میں پہنچ گئے

بیجنگ: (ویب ڈیسک) پاکستان کے کیوئسٹ محمد آصف چینگدو ورلڈ گیمز سنوکر 2025 کے سیمی فائنل میں پہنچ گئے۔

قومی سنوکر کھلاڑی نے کوارٹر فائنل میں برطانوی کیوئسٹ زیک کوسکر کو 0-2 فریمز سے شکست دی۔

محمد آصف نے پہلے فریم میں 51 کا بریک کھیلتے ہوئے 15-79 سے کامیابی حاصل کی جبکہ دوسرے فریم میں انہوں نے 31-89 سے فتح حاصل کی۔

سیمی فائنل میں فتح ان کیلئے میڈل یقینی بنا دے گی جبکہ شکست کی صورت میں انہیں برانز میڈل کے لئے میچ کھیلنا ہوگا، کل سیمی فائنل میں محمد آصف کا بھارت یا چینی کیوئسٹ سے سامنا ہوگا۔

قومی کیوئسٹ محمد آصف اب تک ایونٹ میں ناقابل شکست ہیں، انہوں نے دو گروپ میچز میں فتح کے بعد کوارٹر فائنل بھی بآسانی جیت لیا ہے۔