گوانگ ڈونگ: (دنیا نیوز) چین کے جنوبی صوبے گوانگ ڈونگ میں چکن گونیا کا مرض تیزی سے پھیلنے لگا۔
مقامی حکام کے مطابق صرف ایک ماہ کے دوران 8 ہزار سے زائد کیسز رپورٹ ہو چکے ہیں۔
چینی حکام نے مرض کا پھیلاؤ روکنے کیلئے سخت اقدامات لینے شروع کر دیئے ہیں، متاثرہ علاقوں میں مچھر مارنے کیلئے ڈرونز سے سپرے کیا جا رہا ہے۔
حکام نےکھلے مقامات سے ایسے برتن ہٹانے کا حکم دیا جن میں موجود پانی مچھروں کی افزائش کا باعث بن سکتا ہو۔
صحت کے حکام نے شہریوں کو مشورہ دیا کہ وہ مچھروں سے بچاؤ کی احتیاطی تدابیر اختیار کریں اور کسی بھی مشتبہ علامت کی صورت میں فوری طور پر قریبی ہسپتال سے رجوع کریں۔
ماہرین صحت کے مطابق چکن گونیا عام طور پر ایشیا، افریقا اور جنوبی امریکا میں وقتاً فوقتاً پھیلتا رہتا ہے تاہم یہ پہلا موقع ہے کہ چین میں چکن گونیا انتہائی تیزی سے پھیل رہا ہے۔
