کیلیفورنیا: (ویب ڈیسک) یو ایس اوپن ویمنز سنگلز کی دفاعی چیمپئن آرینا سبالینکا نے اپنے کیریئر کا چوتھا گرینڈ سلیم ٹائٹل جیت لیا۔
میگا ایونٹ میں عالمی نمبر ایک آرینا سبالینکا نے امریکا کی امانڈا اینی سیمووا کو شکست دے کر اپنے ٹائٹل کا کامیاب دفاع کیا۔
بیلاروسی سٹار رواں سال پہلا گرینڈ سلیم ٹائٹل جیتنے کے بعد جذبات سے مغلوب ہو کر آنکھوں میں نمی لئے گھٹنوں کے بل بیٹھ گئیں۔
— US Open Tennis (@usopen) September 6, 2025
یاد رہے کہ اس سے قبل انہیں دو گرینڈ سلیم فائنلز میں شکست کا سامنا کرنا پڑا تھا۔
آخری مرتبہ سرینا ولیمز کی جانب سے یہ کارنامہ انجام دیئے جانے کے بعد آرینا سبالینکا وہ واحد کھلاڑی ہیں جنہوں نے یو ایس اوپن ویمنز سنگلز ٹائٹل کا کامیابی سے دفاع کیا۔
یہ آرینا سبالینکا کا چوتھا گرینڈ سلیم ٹائٹل ہے، اس سے قبل وہ 2023 اور 2024 میں آسٹریلین اوپن اور 2024 میں ہی یو ایس اوپن ٹائٹل جیت چکی ہیں۔
— US Open Tennis (@usopen) September 7, 2025
