نیویارک: (دنیا نیوز) امریکا میں شارلٹس ول اوپن سکواش میں پاکستانی کھلاڑیوں نے کامیاب آغاز کیا ہے۔
پی ایس اے ورلڈ سیریز ایونٹ کے پہلے راؤنڈ میں دونوں پاکستانی کھلاڑی کامیاب ہوگئے، عاصم خان نے پہلے میچ میں امریکا کے جے پی ٹیو کو تین ایک سے ہرایا جبکہ اشعب عرفان نے پہلے راؤنڈ میں مصر کے عمر سعید کو تین دو سے شکست دی۔
واضح رہے کہ راؤنڈ آف سکسٹین میں اشعب عرفان بھارت کے ویر چھوٹرانی سے مقابلہ کریں گے جبکہ عاصم خان کا ٹاپ سیڈ ٹموتھی براؤنیل سے مقابلہ ہو گا۔
