لاہور(نیٹ نیوز) جو چیز سہولت کیلئے متعارف کی جائے اگر اس کے استعمال میں زیادتی کر دی جائے تو وہ نقصان دہ بھی ثابت ہوجاتی ہے ، ہیڈفون کے لیے بھی اسی قسم کی مثال دی جاتی ہے۔ دورِ حاضر کی نوجوان نسل گھر، کالج، آفس، گاڑی، تفریحی مقام غرض ہر جگہ کانوں میں ہیڈفون ڈالے نظر آتی ہے جس سے کان کا پردہ پھٹنے کا خدشہ لاحق ہوجاتا ہے۔
ماہر ین نے خبردار کیا ہے کہ کانوں میں مسلسل ہیڈ فون لگاکر اونچی آواز میں گانے وغیرہ سننا انتہائی خطرناک ہے اور اس سے انسان سننے کی صلاحیت کھو سکتا ہے ۔ پروفیسر ولیم شپیرو کا کہنا ہے کہ ہر 5 میں سے ایک نوجوان کو سننے میں مشکل پیش آتی ہے جس کی بڑی وجہ ہیڈفون لگا کر اونچی آواز میں گانے وغیرہ سننا ہے۔
انہوں نے بتایا کان کی ساخت (cochlea) کہلاتی ہے جس میں کوئی بھی آواز سب سے پہلے جنبش کرتی ہے ، کان کے پردے میں تقریباً 15 ہزار چھوٹے (sensory hairs cells) موجود ہوتے ہیں جو بہت زیادہ اونچی آواز سننے سے متاثر ہوجاتے ہیں۔
