تازہ ترین
  • News Alert :- شجاع آباد:لوہاری گیٹ میں لڑکی سےدوستی کاشبہ،نوجوان پربیہمانہ تشدد
  • News Alert :- شجاع آباد:ملزم شوکت نےساتھیوں کےہمراہ نوجوان کی مونچھیں اوربال کاٹ دیئے

امریکہ کا ہواوے پر عائد پابندیوں میں 3 ماہ کی نرمی کا اعلان

Last Updated On 23 May,2019 01:04 pm

واشنگٹن: (ویب ڈیسک) امریکہ نے چینی کمپنی ہواوے پر عائد پابندیوں میں 3 ماہ کی نرمی کا اعلان کر دیا۔

غیر ملکی خبر رساں ادارے کے مطابق امریکی محکمہ تجارت نے ہواوے کو اجازت دے دی ہے کہ وہ امریکی ساختہ مال خرید سکتی ہے۔ ولبر راس نے پابندیوں میں نرمی کا اعلان کرتے ہوئے کہا کہ اجازت سے چینی کمپنی امریکی فرموں کے ساتھ کاروباری سودوں کو اگلے 90 دنوں تک جاری رکھ سکے گی۔

ولبر راس کا کہنا تھا کہ وہ امریکی کمپنیاں بھی ہواوے سے ایسے آلات خریدنے کی مجاز ہوں گی جو وہ اپنے استعمال میں لائے ہوئے ہیں۔ عبوری اجازت کے بعد چین کی مشہور موبائل کمپنی ہواوے کے موبائل فونز استعمال کرنیوالوں کو کسی پریشانی کا سامنا نہیں ہو گا اور رورل براڈبینڈ نیٹ ورک میں بھی تسلسل رہے گا۔

دوسری پیشرفت دیکھنے میں آئی ہے کہ ہواوے اور گوگل نے اپنے باہمی معاملات حل کرنے کی کوششیں شروع کر دی ہیں۔ انیس مئی کو گوگل اور اینڈرائڈ نے چینی ٹیلی کوم کمپنی ہواوے کے ساتھ اپنے رابطے ختم کرنے کے آغاز کا اعلان کیا ہے۔ موبائل ٹیلی فونز میں استعمال ہونے والا ایک آپریٹنگ سسٹم اینڈرائڈ گوگل ہی کی ملکیت ہے۔